Humanidades ang substansya ng pagkatao, ang bumubuo at bumubuhay sa tao, lampas sa batayang pangangailangan.Sa maikling presentasyon, tatalakayin ko ang potensyal ng humanidades sa higit pang pagbubukas ng kaisipan tungo sa mapagpalayang pagkilos, hindi lamang sa formasyon ng manunulat at artista kundi sa formasyon ng mapagpalayang mamamayan. Kung ang U.P. ang “ground zero” ng produksyon ng kaalaman, ang pagpapahalaga sa humanidades ang susi kung paano ito mananatiling urian ng kritikal na pag-iisip.
