Ibabahagi ko sa papel ang mga karanasan namin sa klase ng Malikhaing Pagsulat 10: Ang Hiwaga at Hikayat ng Panulat sa Filipino. Ipapakita ko ang integrasyon ng mga laro at eksperimentasyon sa pagkatha—mula sa simpleng pag-aalay at pagbabasa ng tula sa isang taong malapit sa estudyante, papunta sa paggawa ng akdang base sa isang kanta sa videoke songbook (na matatapos din sa pagtatanghal ng mismong tula at kanta mismo)—para tumingkad ang pagmamahal ng mga taga-UP sa pagsusulat at sa wikang Filipino. Magkukuwento rin ako tungkol sa siyensya ng paglalaro at paano magagamit ang siyensyang ito sa mga kurso sa Humanidades gaya ng sining, panitikan, at malikhaing pagsulat.